Катастрофален настап на голманот на Ајнтрахт: Си постигна автогол, а беше виновен и за останатите два погодоци на противникот (ВИДЕО)

Ајнтрахт Франкфурт се посрамоти во последниот меч за оваа календарска година и загуби со 3-1 во Бундеслигата.

Триумфот на гостите не е сензација или преголемо изненадување, но е срам за домаќините затоа што од 21 минута имаа играч повеќе на теренот по исклучувањето на Амири, односно по овој момент дозволија во продолжението противникот да реализира и дојде до 3-0 за да дури во 75 минута дојдат до почесен погодок.

Тешко е по ваков настап да се впери прстот кон негово, да се бара вина, ама во случајов тоа може да се нарпави затоа што голманот Кауа Сантош имаше очаен натпревар.

Имаше катастрофални реакции при сите погодоци на противникот, но една се издвојува и тоа е онаа во 15 минута кога сам ја смести топката во својата мрежа. Тој прво го стави во тешка ситуација соиграчот кој ја врати топката и за малку ќе го лобуваше, но Бразилецот имаше сосема доволно време да реагира и ја исфрли топката во корнер, меѓутоа ја заби во голот.