Каталонците шокирани на „Монжуик“: Лас Палмас ја расипа роденденската забава на Барселона (ВИДЕО)

Барселона посакуваше со победа да го прослави 125 роденден, но наместо сигурен триумф и три бода лидерот во Примера претрпе шокантен пораз од Лас Палмас со 2-1 во првиот меч од денешната програма во шпанскиот шампионат.

Домаќините важеа за асполутни фаворити на овој натпревар, меѓутоа покажаа слабости како претходно против Реал Сосиедад и Селта Виго или севкупна Барса на последните три средби во првенството освои само еден бод со што може да се заклучи дека е во мини криза.

Првиот дел не досен промена на резултатот, но во второто гостите максимално ги користеа шансите и преку две шанси, два удари, дадоа два гола доволно за да ги однесат дома трите бода.

Рамирез „удри“ на поранешниот клуб во 49 минута, меѓутоа Баса се врати на време со одличниот погодок на Рафиња во 61 минута. Ама во 67 минута дојде нов шок за четата на Флик преку Силва.

Барса потоа се обидуваше, притискаше, меѓутоа не пронајде начин одново да го матира Силесен.

Ова значи дека Реал со две победи може да го мине вечниот ривал или во најмала рака со четири бода да се изрмани со него на табелата.

ТУКА можете да ги погледнете головите.