Каталонците се на дното: Барселона потрошила најмалку пари за засилување од сите екипи во ЛШ

Од утре започнуваат возбудувањата во новата сезона во Лигата на шампионите, сезона во која титулата ќе ја брани составот на Манчестер Сити.

Ростерите на сите екипи се затворени, се знае на кои играчи ќе сметаат во првиот дел од натпреварувањето, поточно се има чиста, јасна слика. Пред стратот на Лигата на шампионите „Мундо Депортиво“ излезе со една интересна листа затоа колку пари тимовито потрошиле за засилувања во летниот преоден рок, а занимливо е што шпанскиот великан е на самото дно.

Барса има потрошено само 3,4 милиони евра што е помалку и од Јанг Бојс, ФК Копенхаген, но и Ројан Антверп со кого избраниците на Чави ќе се соочат во текот на утрешниот ден.

Најголеми трошаџии се Пари Сен Жермен (349, 5) и Манчестер Сити (241,1). Најскапи засилувања се Рајс, Белингем, Кејн, Коло Муани, Гвардиол и Хаверц.