Каталонците имаат други приоритети: Нејмар не е во плановите на Барселона

Нејмар по катастрофалната епизода во Ал Хилал се врати дома во редовите на Сантос и полека, но сигурно фаќа ритам со 3 гола и 3 асистенции на 7 натпревари.

Тој има договор до крајот на сезонава, па понатаму се говори за неговата иднина со тоа што тој во последно време постојано се поврзува со можен камбек во Барселона. Бразилецот наводно има голема желба да се врати на „Камп Ноу“, блиски луѓе до него сметаат дека тоа е возможно сценарио, а и се појави таква информација според која Барса дури и му поставила предизвик, да постигне најмалку 15 гола до крајот на кампањата ако сака да има можност да се врати во позната средина.

Меѓутоа „Мундо Депортиво“ има сосема друга информација и тоа дека напаѓачот воопшто не е во плановите на лидерот во Примера за следново лето без разлика дали е слободен играч или не. Неј не одговара на профилот на играчи кои Барселона ги бара ниту по возраст, ниту по квалитет, односно клубот има други приоритети.

Се бара соодветна замена за Левандовски, лево крило, а може да биде освежена и дефанзивата.