Каталди: Му ветив на Бове дека ќе дадам гол за него (ВИДЕО)

Фиорентина ја продолжи серијата на одлични резултати во Серија А и дојде до трите бода во соочувањето со Калјари на „Артемио Франки“.

Виолетовите славеа со 1-0 и со тоа го задржаа чекорот со водечките тимови во шампионатот. Погодокот вреден три бода беше дело на Данило Каталди кој по натпреварот обелодени дека му ветил на Едоардо Бове дека ќе постигне гол за него, асот кој минатата седмица имаше непријатна ситуација и животот му висеше на конец.

-Прославата беше шега меѓу мене и него. Му испратив порака пред натпреварот, велејќи: „Гледај го натпреварот на ТВ затоа што ќе дадам гол во аголot. Тој mi рече дека тоа е „невозможно“. Среќни сме што се чувствува добро и поради овие три бода.

"Te lo avevo detto" 🥰4⃣
Cataldi sblocca #FiorentinaCagliari 🚀 pic.twitter.com/7rRjiewluY

— Lega Serie A (@SerieA) December 8, 2024

-Среќен сум што голот ги донесе трите бода; ова е фундаментално, -порача Каталди.