Каскарино: Мбапе е многу послаб фудбалер во однос на 2018 година

Килијан Мбапе уште една сезона ќе настапува за ПСЖ, по што се чини ќе може да си ја исполни желбата и да стане член на Реал Мадрид.

Французинот важи за еден од најдобрите напаѓачи во светот, но според ирската легенда Тони Каскарино, Мбапе зад себе има период на назадување.

– Ако погледнете каков фудбалер беше во 2018 година кога го освои Светското првенство, мислам дека направи чекор наназад изминативе години.

– Во 2018 година беше број еден во светот, затоа бев разочаран од неговиот настап на ЕП, немаше ни приближно големо влијание врз играта на Франција.

– Има блесоци со кои потсетува колку добар беше еден период, но тоа не е доволно за фудбалер како него, – изјавил Каскарино