Касемиро: Капитенската лента е само симбол, јас сакам да бидам лидер, пример…

Касемиро ја одигра својата прва сезона во Манчестер Јунајтед, сезона која беше позитивна со оглед на тоа што дојде од Реал Мадрид во сосема нова средина и тоа во тим кој се обидува да се пронајде, да создаде победнички менталитет, тим кој сака да се врати на врвот во Англија и во Европа.

Бразилецот со својот квалитет, искуство е од голема помош, па тој се чувствува и како вистински лидер иако капитенската лента ја има дефанзиевцот Хари Мегваер.

-Ми се допаѓа да ја имам оваа улога, да бидам искрен. Да се биде лидер, да се грижиш, да се биде како татко, да одиш по работите, сакам да давам пример, да бидам првиот што доаѓа, сакам да ја играм оваа улога. Капитенската лента не е ништо повеќе од симбол, но играчите имаат одговорност да разговараат со судијата, со играчите – сакам да бидам таков играч за пример, -порача големиот борец.