Касемиро како Роналдињо: Додавањето без да гледа е хит број еден меѓу фановите на Јунајтед (Видео)

Манчестер Јунајтед го надигра Челси на домашен терен и обезбеди пласман во Лигата на шампионите за наредната сезона, цел која за многумина изгледаше како невозможна мисија по лошиот старт на сезоната.

Девет месеци подоцна, слободно може да се каже дека Ерик Тен Хаг направи сериозен напредок со овој тим на Јунајтед и го врати онаму кадешто припаѓа, а навистина голема заслуга за ова има и најважното летно засилување кое пристигна од Реал Мадрид.

Иако многумина се сомневаа во карактеристиките на Касемиро за фудбалот кој се негува во Премиер лигата, Бразилецот ги демантираше и им ги затна устите на сите критичари, кои синоќа мораа да гледаат и како режира едно генијално додавање во стилот на Роналдињо.

Касемиро најпрво го отвори резултатот и погоди за 1:0, но потоа ја креираше акцијата по која Марсијал постигна гол за 2:0 пред крајот на првиот дел.

Клучно беше вонсериското додавање кое го имаше Касемиро до Џејдон Санчо, кој успеа да го проигра со трик пас без да гледа.

CASEMIRO NO LOOK 🥶 pic.twitter.com/vDDE7yjnxO

— UtdPlug (@UtdPlug) May 25, 2023

Casemiro's no-look pass to set up Anthony Martial's goal against Chelsea 🥶 pic.twitter.com/KdMhBI7jiA

— ESPN FC (@ESPNFC) May 25, 2023