Касано за потенцијалот на Леао: Тој може да биде само резерва во Премиер лигата

Антонио Касано повторно предизвика многу реакции со една изјава, во случајов спротивставувајќи се на ставовите дека Рафаел Леао ќе прерасне во еден од најдобрите фудбалери во светот.

Португалецот се уште не го продолжил договорот со Милан и е поврзуван со трансфер во Премиер лигата, но Касано не е убеден дека тоа би била добра инвестиција.

– Можеби Леао е најдобар во Серија А, но проблемот е што Серија А е петтото најдобро првенство во Европа.

– Дали Леао може да игра на местото на Грилиш во Сити? Веројатно да, но според мене тој никогаш не би бил прв избор во најдобрите европски клубови.

– Ливерпул го има Диаз и да го избереш Леао пред него е лудост, ако се случи тоа да ја прекинеме емисијата и да си одиме дома. Дали треба да ги споменам, Фати, Нејмар, Мбапе или Санчо, тие се на друго ниво.

– Еден Винисиус може да направи разлика на дуел против Сити, а Леао прави разлика против Емполи и Болоња. Не гледам дека прави нешто корисно во Лигата на шампионите. Во најдобрите екипи во моментов, Леао може да биде само резерва, – вели Касано.