Касано: Влаховиќ има слаб карактер, не знае…

Душан Влаховиќ и во актуелнава сезона се мачи со формата, поточно нема констатни настапи и на шест натпревари има постигнато само два погодоци иако е прв напаѓач на Јувентус.

Двата гола ги даде на еден меч против Верона и тоа во второто коло во Серија А пред еден месец што секако е премалку за играч кој треба да биде движечка сила на „бјанконерите“.

Поранешниот италијански репрезентативец Антонио Касано е познат како ас без влакна на јазикот, па во свој стил имаше што да каже за српскиот голгетер.

-Не го сакам Влаховиќ, тој е хистеричен, има слаб карактер. Не знае што да прави и постојано се жали и коментира. Кога е здрав и фит, Милик е многу посилен од него. Кога ќе се врати ќе игра затоа што многу повеќе му одговараат принципите на игра на Мота. Тој служи и за поврзување на играта и за соработка со остатокот од тимот, -смета Касано.