Касано со интересна прогноза: Милан и Јувентус нема да бидат ниту во Топ 4

Антонио Касано често е актуелен во италијанските медиуми поради своите контроверзни ставови поврзани со екипите и фудбалерите во Серија А, а сега успеа да го привлече вниманието уште по воведното коло од новата сезона.

Во него Милан освои бод против Торино, а Јувентус го совлада Комо, а Касано смета дека италијанските великани нема да бидат ни во Топ 4 друштвото на крајот на сезоната.

– Сега ќе дадам прогноза за битката за скудетото и знам дека ќе следуваат многу реакции.

– Во неа ќе бидат Интер, Аталанта, Рома и Наполи, убеден сум дека Милан и Јувентус нема да обезбедат ниту Топ 4 пласман.

– Јувентус имаше успешен прв чекор, но да бидам искрен, до 23. минута го видов истиот Јуве од минатата сезона, со многу „чекај и види“. Потоа постигнатиот гол им ја олесни работата, но ова не е натпревар кој го покажува вистинското лице. Наредните натпревари ќе покажат многу повеќе, правеа грешки во креирањето на акциите, а тоа се плаќа против поквалитетните екипи, – вели Касано.