Касано му се нафрли на најскапиот играч во првиот тим на Јувентус: Проблем е што не знаеш да играш фудбал!

Душан Влаховиќ никако не може да ја пронајде својата најдобра форма во Јувентус, сценарио кое се повторува и со Тиаго Мота како тренер на „старата дама“.

Недостигот на голови е нешто што создава голема нервоза кај сите врвни напаѓачи ширум светот, а бидејќи Србинот важи за играч со таков статус, јасно е дека критиките во јавноста се жестоки кога не игра на посакуваното ниво.

Влаховиќ во последно време даваше изјави и дека не е толку убиствен во нападот поради тоа што добива и дефанзивни задачи од Мота, но ваквото негово размислување го разбесни Антонио Касано, кој во свој стил испорача „отровна стрела“, речиси идентичка како онаа за Кристијано Роналдо.

– Влаховиќ во Фиорентина ги имаше најдобрите честири месеци во својот живот, постигна дури 17 погодоци. Играше сам во нападот и добиваше топки од сите страни. Во тимот на Алегри играше на 70 метри од голот, а сега со Мота вели дека прави работа в0 0дбрана која не му се допаѓа.

– Почитуван Влаховиќ, проблемот е сосема друг. За да играш фудбал, треба да знаеш да играш фудбал, а ти не знаеш. Чинеше 75 милиони евра, а играш ужасен фудбал. Ако имаш да му кажеш нешто на теренот, кажи му го тоа в лице, а не од далечина,  – потенцира Касано.