Касано го нападна Леао и го спореди со пропадната ѕвезда на Јунајтед: Нзола постигна повеќе голови од него

Антонио Касано се прослави како фудбалски аналитичар кој сериозно ги напаѓа фудаблерите и тренерите кои не се по негов вкус, а последен на листата се најде Рафаел Леао.

Милан ја гради својата игра врз брзоногото крило и Португлецот е главна ѕвезда во тимот на Стефано Пиоли, но потези како оној против Њукасл во Лигата на шампионите често му носат и многу критики.

Леао се посрамоти и се обиде да даде атрактивен гол кога требаше да ја спроведе топката во голот, па очигледно ова беше повод Касано јавно да го искаже незадоволството за односот кој го има Рафа на теренот.

– Леао не е ниту месо, ниту риба. Тој ме потсетува на Марсијал од Јунајтед. Минатата година Нзола од Специја постигна повеќе голови од него и тоа е се што ќе кажам.

– Во Лигата на шампионите потребни ви се играчи со карактер, играчи кои влечат паметен потег во клучен момент. Во овој момент, не гледам шампиони во тимот на Милан, – вели Касано.