Карвахал за вистинскиот шеф во Реал: Многу е важно што никој не е над него!

Дани Карвахал полека преминува меѓу ветераните во Реал Мадрид и после Лука Модриќ е играчот со најдолг стаж во првиот тим, а како шампион кој добро ја познава хиерархијата во клубот, самиот вели дека сите добро го познаваат поредокот во „кралскиот клуб“.

Каравахал даде интересна изјава за вистинскиот лидер на целиот спортски проект на најтрофејниот клуб во Европа, односно за претседателот Флорентино Перез кој тој го смета за шеф во секоја смисла на зборот.

Десниот бек на Реал потенцира дека Перез прави развој во сите можни аспекти, а притоа успева да ја одржи солвентноста што е вистинска реткост во модерниот фудбал.

– Флорентино е најдобар претседател во светот. Не само што ги подобри условите во тренинг центарот и на стадионот, тој се грижи за солвентност на клубот, овозможува извонредни засилувања и е вистински лидер и шеф во секоја смисла на зборот.

– Многу е важно тоа што во Реал никој не е над претседателот, токму поради тоа неговата работа е спектакуларна. Едноставно нема подобар од него, – вели Карвахал, чиј договор со „кралевите“ истекува наредното лето.

– Имам договор до следното лето и засега не ми паѓа на памет да се пензионирам. Кога ќе решам да не играм за Реал, повеќе нема да играм во Европа, а во такви услови изборот се стеснува. Америка, Катар или Саудиска Арабија? Не размислувам за тоа, во овој момент мислам да останам во Реал уште неколку години, – вели Карвахал.