Карвахал: Пике не сака да се сеќава на „14-та“, но таа титула е дефиниција за нашето мото!

Жерард Пике ја крена на нозе шпанската јавност со изјавата која ја даде пред една недела, а особено онаа во Мадрид која е тесно поврзана со сите успеси на Реал.

Поранешниот стопер на Барса заклучи дека во блиска иднина никој нема да се сеќава на 14-та титула која ја освоија „кралевите“ во Лигата на шампионите, бидејќи според него таа била незаслужено и среќно освоена.

Пике нагласи дека Реал бил надигран во сите три двојни пресметки до финалето, па со својата провокативна мисла изнуди низа бесни реакции во јавноста.

Со одговор веќе се јавија неколку првотимци на Реал, а сега дојде ред и на Дани Карвахал кој се огласи од кампот на шпанската репрезентација.

– Пике не сака да се сеќава на „14-та“ и можам да го сфатам зошто е тоа така. Но, за нас мадридистите тие три пресврти се одлика за нашата историја, таа титула е дефиниција за нашето мото, кое гласи дека не се предаваме до самиот крај. Тоа е нешто кое го нема секој тим во светот, – вели Карвахал.