Поврзете се со нас

Лига на шампиони

Карвахал објасни како ја „стави во џеб“ големата ѕвезда на Ливерпул: Искуството дојде до израз

Објавено

на

Дани Карвахал добиваше доста критики во првиот дел од сезоната и почна да се пишуваат коментари дека на Реал Мадрид му е потребен нов десен бек, но искусниот шпански репрезентативец им ги затна устите на сите критичари со изданијата во клучниот дел од сезоната.

Многумина прогнозираа дека Каравахал ќе биде фудбалски „оддуван“ во големото финале во Лигата на шампионите против Ливерпул од страна на сензационалниот Луис Диаз, но реалноста е дека Дани го стави Колумбиецот во „џеб“, поради што Јирген Клоп мораше да го менува крилниот напаѓач во второто полувреме.

Диаз без конкуренција беше најдобар играч на Ливерпул во завршниот дел од сезоната, па поради тоа, Карвахал имал добра подготовка и се обиде да објасни како се справил со брзоногиот ривал.

– Реалноста е дека дојдов одлично подготвен во завршмниот дел од сезоната и сакав да направам моето искуство од претходните четири финалиња во Лигата на шампионите да дојде до израз. Истото важи и за четирите трофеи кои ги имав до ноќта во Париз.

– На Колумбиецот Диаз тоа му беше прво финале и тоа што го правев беше едноставно, постојано бев блиску до него и не му оставав простор. Знаев каква опасност носи на празен простор и мислам дека ги добив дуелите во најголем дел од мечот. Всушност, тоа беше клучно за цел тим. Ги добивме дефанзивните дуели во најдобар дел, а кога не беше така, Куртоа не спаси во неколку ситуации, – вели Карвахал.

Реклама
Реклама
Реклама

Популарни