Карвахал: Не можевме да ја контролираме топката на првиот тренинг

Десниот бек на шпанската репрезентација и на Реал Мадрид, Дани Карвахал откри дека тој и соиграчите имале доста проблеми да ја контролираат топката на првиот тренинг по паузата поради коронавирусот.

Поради КОВИД-19 два месеци играчите на Реал немаа никаков контакт, тренинг со топката се до почетокот на оваа недела кога клубот се врати во акција на својот тренинг центар.

-Не можевме да ја контролираме топката на првиот тренинг. Никогаш не е исто да тренирате дома како што тоа го правите на теренот, ама ќе бидеме подобри. Мораме да го следиме протоколот од Ла Лига, бидеме внимателни и ги почитуваме правилата и генерално да се вратиме на потребната брзина со и без топка, -истакна Дани кој се радува што Бундеслигата се враќа овој викенд.

-Тоа се добри вести за спортот и светот на фудбалот. Сите сме возбудени да видиме какви се рбаотите на почеток. Се надевам се ќе биде во ред и тоа ќе биде пример кој останатите држави ќе го следат, -заклучи дефанзивецот.