Карвахал гледа светлина на крајот од тунелот: Колку ми недостасувавте (Фото)

Дани Карвахал заработи тешка повреда на коленото пред пет месеци и мораше да подлегне на оперативен зафат, интервенција поради која стана јасно дека нема да може да им помогне на своите соиграчи оваа сезона.

Капитенот на „кралскиот клуб“ мораше да мине низ тежок процес на рехабилитација кој бара многу трпение, но бидејќи полека влегува во завршната фаза, сега за првпат облече и копачки.

Десниот бек на Реал денеска самиот се пофали дека имал тренинг сесија во која за првпат ги облекол копачките после пет месеци, па самиот не криеше колку му недостасувало ова чувство.

– Колку само ми недостасувавте……, – порача Карвахал на социјалните мрежи.

Оваа порака од капитенот предизвика и многу позитивни реакции меѓу навивачите на Реал Мадрид, бидејќи полека се отвора можност тој да се врати на терените во месец мај и да одигра неколку меча во финишот од сезоната.