Карвахал даде објаснување за својот спорен коментар на дербито со Валенсија (Видео)

Реал Мадрид режираше слатка одмазда за Валенсија и победи со убедливи 5:1 на „Сантијаго Бернабеу“, што за многумина беше реванширање за поразот од крајот на минатата сезона.

Тој натпревар беше одбележан со голема тензија и расистички испад во кој жртва беше Винисиус Жуниор, па Бразилецот и неговите соиграчи вчера беа посебно инспирирани против „лилјаците“.

Винисиус постигна два гола и беше избран за играч на мечот, но резултатот го отвори Дани Карвахал кој постигна фантастичен, но кој беше дел и од една специфична ситуација која беше посебно потенцирана во јавноста.

Видеото на „ДАЗН“ беше пренесено со коментар „треба да им дадеме осум гола“, но Карвахал сега реши да се огласи и демантираше дека искажал непочитување кон Валенсија.

– Изморен сум од тоа што се вадат работите од контекст. Кажав дека треба да постигнеме уште еден, што е нормално кога гледате дека сте поагресивни на еден натпревар. Не кажав да им дадеме осум гола, сакам да го појаснам ова за некои кои се почувствуваа навредено, – објаснува Карвахал.

pic.twitter.com/fRYaawWbCl

— Dani Carvajal Ramos (@DaniCarvajal92) November 12, 2023