Карловиќ даде најоригинален одговор на вечната дебата: Федерер или Рафа? (Фото)

Иво Карловиќ е убедливо највозрасниот тенисер на АТП турот и ја игра својата 20-та професионална сезона на 41-годишна возраст, а барем засега, легендарниот Хрват нема намера да стави крај на својата кариера.

Карловиќ досега има освоено осум титули и важи за рекордер по бројот на отсервирани асови во кариерата (13.599), а во изминативе неколку дена, популарниот „Доктор“ од Хрватска стана актуелен на социјалните мрежи со прашањата кои им ги одговараше на фановите.

Преку својот Твитер профил, Карловиќ направи урнебесен избор кога беше запрашан дали повеќе го сака Федерер или Надал, но исто така ги нагласи и најубавиот и најлошиот момент во кариерата.

– Рожер или Рафа? Ниту еден, јас сакам девојки, – порача Иво и додаде.

– Најдрага победа ми е онаа против Лејтон Хјуит на Вимблдон во 2003-та година, а најтежок пораз ми е оној во финалето во Вашингтон во 2016-та година од Монфис. Поради тој меч не спиев добри месец дена, – признава Иво.

Neither. I like girls

— ivo karlovic (@ivokarlovic) April 18, 2020