Карло ќе мора да менува: Остана без еден член од ударното трио „БМВ“ (Фото)

Карло Анчелоти ќе мора да ја менува својата стартна постава во второто коло во Ла Лига, откако Реал Мадрид како клуб ги потврди сомнежите кои ги имаше Карло Анчелоти на денешната прес-конференцијата.

Италијанскиот стручњак откри дека Џуд Белингам добил удар на тренингот и не го довршил истиот, а по напрвените лекарски прегледи, била утврдена мускулна повреда од втор степен.

Тоа значи дека Белингам ќе биде надвор од акција во период од еден месец, што значи дека ударното трио „БМВ“ ќе мора да почека за одново да се најде заедно на теренот.

Според проценките, Џуд ќе одмора до крајот на септември, што значи дека ќе го пропушти и репрезентативниот прозорец за Англија кој е предвиден за тој месец.

Претходно, повреда во првиот тим на Реал заработи и Едуардо Камавинга, додека во аут од минатата сезона и натаму е Давид Алаба.

Parte médico de Bellingham.#RealMadrid

— Real Madrid C.F. (@realmadrid) August 23, 2024