Карапалевски и Димитриоски актери во меч со 80 погодоци во Шпанија (ВИДЕО)

Македонските интернационалци Мартин Карапалевски и Димитар Димитриоски беа директно инволвирани со супер интересниот меч кој нивниот Валјадолид го одигра против Ла Риоха во АСОБАЛ лигата, натпревар кој донесе дури 80 погодоци.

Двете екипи добија по едно полувреме, домаќините првото со 19:17, гостите второто со 21:23 за конечни на крајот 40:40.

Мартинез и Ереро со по седум реализации беа најефикасни кај Валјадолид, додека Пергел ја предводеше листата на стрелци на спротивната страна со осум голови.

Што се однесува до нашите ракометари, Карапалевски имаше реализација два од пет, крилото Димитриоски пак беше перфектен со еден од еден.

Во Швајцарија пак Мартин Поповски и Амичитија Цирих беа немоќни против Кадетен Шафхаузен и загубија со 30:20. Поповски беше автор на еден погодок.