Каран повторно ќе го води Шкупи: Можеме да бидеме шампиони!

Тимот на Шкупи се одлучи да се раздели со Муарем Бајрами, а негов наследник ќе биде Умит Каран кој во минатото го водеше клубот од Чаир.

Каран верува дека оваа екипа има квалитет, потенцијал да ја освои титулата во домашниот фудбалски шампионат.

-Прво сакам да им се заблагодарам на сите, во животот имам два клуба кои ги сакам, едниот е Галатасарај, а другиот е Шкупи. Драго ми е што повторно сум во Скопје и ќе продолжам да работам таму каде што застанав, да ја завршам работата докрај. Големо благодарам до сопственикот Олгун Ајдин како и на спортскиот директор и на претседателот Суат Алија што ми овозможија повторно да бидам тука.

-Во фудбалот нема ништо сигурно. Поранешниот тренер Муарем Бајрами е мој добар пријател со кој имавме одлична соработка во минатото, тој беше капитенот на тимот, јас тренер , ама во фудбалот се случуваат неочекувани работи. Му се заблагодарувам за се што направи. Се надеваме дека овој тим ќе може да направи големи работи и ќе станеме шампиони на крајот на сезоната. Имаме квалитетен состав и треба да работиме напорно за да ги оствариме целите, -порача Каран кој ќе дебитира против Борец од Велес.