Карагер за тиранинот Џордан: Јас сакав да удрам мој соиграч на теренот

Мајкл Џордан уште пред емитувањето на „Последниот танц“, најави дека сите ќе го видат неговото друго лице и дека многумина ќе бидат ужаснати од тоа што го правел во обидот да дојде до шампионските прстени, а како што самиот прогнозираше, во изминатиов период видовме доста изјави со кои се упатуваат остри критики кон Ем-Џеј, започнувајќи од противниците, па се и до неговиот соиграчи.

Џордан сега многумина го доживуваат како тиранин кој насилнички се однесувал кон своите најблиски колеги во тимот, но во очите на Џејми Карагер, тоа е одлика за голем шампион и пример за тоа како се остваруваат зацртаните цели кои се на највисоко можно ниво.

Легендарниот стопер на Ливерпул потенцира дека е воодушевен од документарецот на Џордан, а на сите оние кои им смета неговиот лидерски карактер, им сподели една своја приказна кога за малку не се степа со Алваро Арбелоа на теренот.

– Кога си страствен во тоа што го правиш, знаат да те совладаат емоциите и да ја минеш границата. Лесно се минува границата кога имаш амбиции.

– На пример, јас на фудбалкиот терен, сакав да го ударм мојот соиграч Арбелоа. Се случи на натпревар против Вест Бромвич и беше речиси готово ако не дојдеше Чаби Алонсо да не раздели.

– Тоа беше моментална фрустрација, немаше ништо длабоко. Не можевме да ја освоиме лигата, но имаше зошто да се бориме на тој меч, а тоа беше да не примиме гол, – објаснува Карагер.