Карагер за казната на Евертон: Тие се искористени од ПЛ…

Топ тема на островот денеска е изречената казна за Евертон на кого му беа одземени десет бода поради прекршување на правилата на Премиер лигата.

Жестока казна: Премиер лигата му одзема 10 бода на Евертон

Наводно „карамелите“ го прекршил  финансискиот фер плеј и му беше доделена најголемата спортска казна во историјата на натпреварувањето. Клубот од Ливерпул смета дека одлуката е разочарувачка и неправедна, најави жалба, а во меѓувреме има доста реакции од сите страни, а меѓу нив беше и онаа од Џејми Карагер кој е доста актуелен, активен како аналитичар за повеќе медиуми.

-Казната од десет поени за Евертон е претерана и не е правилна, имајќи предвид дека тие работеа со ПЛ за ова во последните неколку години. Дали ќе биеше подобро да го заобиколуваш и да се обидеш да се извлечеш како другите клубови?

-Без сомнение, испаднатите клубови ќе извршат голем притисок врз ПЛ да се справи со Евертон, но кога ќе земете во предвид дека 6 клуба се обидоа да ја напуштат ПЛ и немаше никаква санкција, тоа не е во ред. Додека другите клубови не бидат санкционирани, Евертон ќе чувствува дека тие се искористени за да се покаже дека нема потреба од независен регулатор и тие се во право, -истакна Карагер на социјалните мрежи.