Карагер: Сити ја загуби титулата во ПЛ, нивниот фокус треба да биде…

Манчестер Сити не успеа да го преживее „Енфилд Роуд“ што не е изненадување со оглед на нивната форма во изминатиов период, но и онаа на Ливерпул кој делува цврсто, моќно, сигурно и заслужено е водечка екипа во Премиер лигата.

Сега „граѓаните“ имаат дури 11 бода помалку од Ливерпул по само 13. одиграни кола што е навистина голема разлика за оваа фаза на шампионатот. Многумина веќе и го отпишаа Сити во трката за пехарот, а еден од нив е и поранешниот англиски репрезентативец Џејми Карагер кој смета дека главен фокус на составот од Манчестер е Топ 4 пласман.

-Оваа сезона Манчестер Сити нема да ја освои Премиер лигата. Мислам дека нема враќање.

-Ова е речиси мини-криза за Манчестер Сити и мислам дека потсетува на Ливерпул пред две години. Всушност мислам дека Манчестер Сити може да се мачи, бори за првите четири позиции. Јас всушност ги гледам Арсенал и Челси и начинот на кој тие изгледаат во моментов… Мислам дека може да биде тешко за Манчестер Сити да заврши пред нив ако не излезат на пазарот во јануари, -порача Карагер за „Скај Спортс“.