Поврзете се со нас

Англија

Карагер шокиран: Аморим направи една од најбизарните работи во историјата на фудбалот

Објавено

на

Foto:instagram.com/23_carra

Џејми Карагер редовно ги коментира случувањата во „својот двор“ и воглавно е задолжен за анализирање на Ливерпул, но кога има потреба, легендарниот стопер се вклучува и во дебати кои се актуелни за други елитни англиски клубови.

Англиската јавност во изминатите 48 часа посвети огромно внимание на изјавата која ја даде Рубен Аморим по поразот од Брајтон на домашен терен, односно на бруталниот став со кој тој го нарече својот тим како најлош во историјата на Манчестер Јунајтед.

Оваа искрена изјава на португалскиот стручњак наиде на измешани реакции во јавноста, а поранешниот стопер на Ливерпул е непријатно шокиран и смета дека менаџерот треба да биде опоменат од некој повисок член во хиерархијата на Јунајтед.

– Аморим ја направи најбизарната и најсмешната работа во историјата на фудбалот. Немам слушнато нешто посмешно од еден менаџер, навистина не гледам логика да кажете такво нешто во јавноста. Тоа е коментар кој се очекува од стручен аналитичар, а вие како менаџер треба да се браните од такви ставови. Не гледам каков бенефит ќе има од тоа што го кажа, нема потреба да ни нагласува дека гледаме навистина лош тим на Манчестер Јунајтед.

– Оваа изјава ќе го прогонува до крајот на сезоната, на самите новинари им порача дека им подарил насловни страни со кажаните зборови. Навистина не знам што сакаше да добие со тоа, после ова, не знам со кое лице ќе се појави во соблекувалната и ќе ги тера играчите да веруваат во себе. Тешко ќе му биде да го направи тоа откако го нарече тимот најлош во историјата на Јунајтед. Ќе бидам изненаден ако некој што работи на повисока функција од него во клубот, не го опомене со посериозни зборови. Не може да давате таква изјава како менаџер на Јунајтед, не смеете да додавате масло во огнот, – потенцира Карагер.

Advertisement
Advertisement

Италија

Advertisement

Популарни