Карагер сепак обожава еден играч на Челси: Тој е еден од најдобрите во Премиер лигата

Челси во секој момент се очекува да го потврди Жоао Феликс како ново летно засилување, а ако на оваа тема веќе го слушнавме жестокиот став од Џејми Карагер, вреди да се издвои и една негова изјава поврзана за друг фудбалер на лондонскиот клуб.

Легендата на Ливерпул нагласи дека не сфаќа ниту еден играч кој решава да стави потпис на договор со конфузен клуб како Челси, но сепак признава дека има еден фудбалер на кој посебно му се воодушевува.

Станува збор за неодамнешното летно засилување Педро Нето, играч за кој Челси плати 54 милиони фунти на Вулверхемптон пред една недела.

– Ако нема повреди, Нето може да игра во било кој клуб во светот. Навистина верувам во тоа, тој е играчот кој секогаш го следев во Вулвс. Го следам последните три или четири години, секогаш го сакав за Ливерпул.

Се ми се допаѓа околу него, брзината, квалитетот на топка, снаодливоста пред голот. Се надевам дека ќе остане фит и дека ќе успее да игра редовно. Единствена грижа за мене е тоа што игра на иста позиција како Палмер. Тој е најдобар на десно крило, на позицијата на која е најдобар и Палмер. Тоа ќе треба да се реши, но најважно е да остане здрав. Сакам да биде фит, бидејќи тогаш е еден од најдобрите во Премиер лигата, – вели Карагер.