Карагер излезе со своја топ-шест прогноза за новата сезона во Премиер лигата (Фото)

Новата натпреварувачка сезона во Англија стартуваше изминатиот викенд со финалето меѓу Манчестер Сити и Манчестер Јунајтед во Комјунити Шилд, но вистинските возбудувања ќе стартуваат претстојниот викенд.

Премиер лигата има посебено и далеку поголемо значење во Англија и тоа е приоритет за сите големи клубови, кои според Џејми Карагер сепак се сведени на само два реални кандидати за титулата.

Легендата на Ливерпул направи своја прогноза за топ-шест финиш и повторно на прво место го стави Манчестер Сити, тим за кој верува дека повторно ќе биде за нијанска подобар од Арсенал.

– Знам дека луѓето зборуваат за Арсенал и за нивен исчекор доо титулата, особено поради тоа што две години беа многу блиску. Сепак, јас се уште сметам дека Де Брујне, Халанд, Фоден и Силва се подобри од тоа што го има Арсенал.

– Мислам дека Арсенал е покус за еден напаѓач. Мислам дека им треба уште еден врвен офанзивец за да го престигнат Манчестер Сити. Што се однесува до Ливерпул, за Арне Слот ќе биде извонредна прва сезона ако повтори иста како онаа на Клоп. Ливерпул се надмина себеси минатата сезона и мислам дека за Слот ќе биде одлично да повтори такво нешто, – вели Карагер за „Фор-Фор-Ту“.

Во такви услови, Карагер прогнозира дека Ливерпул ќе заврши на третото место, Тотенхем на четвртото, додека Манчестер Јунајтед и Астон Вила на петтото и шестото место.