Карагер избрал идеален тим, истакнал сонародник како подобар играч и од Зидан

Џејми Карагер добил задача да избере идеален тим, составен од фудбалери кои му биле соиграчи или против кои играл за време на својата фудбалска кариера, но и оние кои според него мора да има место во најдобрите единаесет.

Поранешниот дефанзивец зад себе има многу престижни натпревари, а покрај во Англија, се соочил и со многу големи ѕвезди на натпреварите на интернационално ниво.

Магазинот „Форфорту“ побарал од Карагер да издвои единаесет фудбалери, а интересно на една позиција во средниот ред, тој му дал предност на Џон Барнс во однос на Зинедин Зидан.

– Барнс беше најдобриот фудбалер со кој сум играл и тренирал, беше вистинско задоволство и привилегија да бидам во негова близина.

– Не се сеќавам дека сум видел да загуби топка на тренинг или натпревар, па затоа го ставив на левата страна во средниот ред и поради него Зинедин Зидан мора да биде на десната страна. Би играл со четворица во средниот ред за да има место и за Зидан и нему би му дал слобода да игра каде сака на теренот, – рекол Карагер.

Поранешниот англиски фудбалер на останатите позиции ги избрал Саутхол, Кафу, Барези, Десаи, Малдини, Кин, Сунес, Далглиш и Ван Бастен.