Карачиќ со специјална честитка до своите вардарови браќа по големата дерби победа против Еурофарм Пелистер (Фото)

Игор Карачиќ е член на Кјелце веќе две години, но неговото срце се уште е „црвено-црно“ и тоа го докажа со денешната објава на социјалните мрежи, непосредно по големата победа која ја оствари Вардар.

Во големото македонско дерби кое е одлучувачко за титулата во домашното првенство, Вардар ја доби првата пресметка против Еурофарм Пелистер со убедливи 35:27 и самиот Стевче Алушовски нагласи дека ова е голем исчекор кон трофејот во Супелигата, па покрај очигледната еуфорија на теренот, почнаа да пристигнуваат честитки и од други страни.

Хрватскиот репрезентативец Карачиќ освои две титули со Вардар во Лигата на шампионите, а како еден од „бесмртните“ во историјата на македонскиот ракометен великан, со посебна честитка ги поздрави своите поранешни соиграчи.

– Браво бе деца, – им порача Кара на Столе, Дибиров, Дисингер и Калараш.