Капитенот на Саутемптон го потегна Кукурелја за коса и доби еден од најбизарните црвени картони во ВАР ерата (Видео)

ВАР системот направи да бидат достапни за судиите и „валканите игри“ кои знаат да ги играат одредени фудбалери во директните дуели на теренот, па така сега играчите мора да бидат далеку повнимателни, но и покоректни кон ривалите.

Имплементирањето на видео технологијата донесе уште десетина дополнителни камери на фудбалските терени и судиите добиваат поточни информации за дадена ситуација, па така вчера го видовме еден од најбизарните црвени картони во поновата историја на Премиер лигата.

Саутемптон е предодреден да се бори за живот во Премиер лигата и тешко ќе избори опстанок со форма како онаа од стартот на сезоната, а Челси вчера беше тимот кој профитираше од грешките на „светците“, но и од невнимателноста на нивниот капитен.

При резултат 1:3, најмалку што им требаше на домаќините е исклучување, а Џек Стивенс го доби истото поради тегнење за коса.

Капитенот на Саутемптон го потегна Кукурелја за коса и беше казнет на најстрог можен начин, а ова придонесе Челси да биде уште покомотен и подоминантен и на крајот да победи со 1:5.

"Det är så ultradumt!"

Jack Stephens drar Cucurella i håret och får syna det röda 🟥 pic.twitter.com/zJVqtHhiJD

— Viaplay Fotboll (@ViaplayFotboll) December 4, 2024