Капитенот на Њукасл распали по ѕвездата на Арсенал: Пресреќен сум што ги победивме, одби да се поздрави на крајот од мечот!

Контроверзниот гол на Њукасл крена голема прашина во Англија и гостите од Северен Лондон беа бесни и огорчени по последниот судиски свиреж, но однесувањето на Жоржињо е доста коментирано и два дена по мечот.

Во отсуство на Мартин Одегард, капитенската лента беше на раката на искусниот Жоржињо, но играчот за врска понуди и една непрофесионална ситуација кога одби да се поздрави до домашниот капитен.

Џамал Ласелс остана да виси со раката и не доби поздрав од Жоржињо по последниот судиски свиреж, а тоа направи капитенот на Њукасл сега да излезе со зајадлива изјава во јавноста.

– Пресреќен сум што ги победивме, особено како се однесуваа по мечот. Премногу ми е мило што ги победивме. Нивниот капитен Жоржињо не сакаше да се поздрави со мене по крајот на мечот.

– Без разлика што се случува на теренот, треба да покажете спортска култура и да се поздравите по крајот на мечот. Тој не го направи тоа и сега ми е премногу мило што ги победивме. Неприфатливо е да има такви играчи во професионалниот фудбал. Тоа беше нивниот капитен, бев бесен кога не ми возврати на поздравот, – открива Ласелс.

👀🍿 pic.twitter.com/Yj8MuZU56W

— Sky Sports Premier League (@SkySportsPL) November 6, 2023