Капитенот на Ливерпул се огласи за церемонијата за подигнување на трофејот во Премиер лигата

Иако се ушт ене е официјално шампион, голема е веројатноста тимот на Ливерпул по цели 30 години чекање да ја освои Премиер лигата.

На Ливерпул им требаат само уште две победи за и математички да го обезбедат трофејот, па мноугмина веќе размислуваат за чинот на доделување на истиот.

И покрај долгото чекање, од Ливерпул нема да може да се израдуваат многу на освоената титула затоа што истата ќе ја прослават пред празни трибини и без навивачкиот шмек на преполниот „Енфилд“.

По тој повод со свој коментар се јави и капитенот на „црвените“, Џордан Хендерсон кој призна дека подигнувањето на трофејот ќе биде многу чудно за нив.

– Ќе биде многу чудно. Секако дека уште ништо не е готово, се уште мора да играме на високо ниво за да ја освоиме титулата. Но, ако ја земеме титулата, кога станува збор за подигнувањето на трофејот без навивачи, мора да се помириме со тоа.

-Сепак, веруваме дека сите заедно ќе ја прославиме таа титула во оној момент кога навивачите ќе се вратат на стадионот, -изјави Хендерсон.