Капитенот на Јунајтед со првични импресии по враќањето на тренинзите

Капитенот на Манчестер Јунајтед, Хари Мегваер ги даде своите први импресии по враќањето на тренинзите.

Фудбалерите на Манчестер Јунајтед вчера се вратија на групни тренинзи кои се ограничени од по само неколку играчи, а Мегваер посочи дека се чувствувал одлично по враќањето.

Стоперот исто така посочи дека фудбалерите на Манчестер Јунајтед се чувствувале многу безбедно додека тренирале во клупскиот тренинг центар во Керингтон.

– Ова беа многу чудни неколку месеци, но клубот го почитуваше сите протоколи. Поради тоа, ова опкружување околу нас делува многу безбедно. Ова ни беше прв ден на тренинзите, но сите ги следат пропишаните мерки и нема никакви проблеми.

– Сите се чувствуваме многу подобро затоа што знаеме дека секој од нас во соблекувалната правеше тест и доби негативен резултат. Работиме во помали групи, денес бевме четворица и работевме со еден тренер. Првата фаза поминува без никакви проблеми, -заврши Мегваер.

Според „Проектот Рестар“ се очекува ваквите тренинзи ќе траат уште од прилика една недела, а потоа се очекува тренинзите да се одвиваат со целиот тим.

Се очекува фудбалската сезона да се рестартира на 12 јуни,  а сезоната треба да заврши кон крајот на јули.