Капитенот на Барса ја презема вината за поразот: Не постигнав гол за победа, а потоа ја подарив контрата за голот на Серлот (Видео)

Барселона загуби во услови кои тешко можат да се опишат со зборови, бидејќи тимот на Ханси Флик се изнапромаши пред голот на Јан Облак, пред да капитулира во 96-та минута кога беше сурово казнета за сите нереализирани шанси.

На натпревар на кој комотно можеше да слави со неколку голови разлика, каталонскиот гигант мораше да се помири со пораз од 1:2, а примениот гол во 96-та минута посебно ќе го прогонува капитенот на тимот.

Рафиња не искористи две стопроцентни шанси по додавања од Педри во второто полувреме, а за крај беше играчот кој ја загуби топката по која стартуваше убиствената контра на Атлетико која заврши со гол за победа на Серлот.

– Прифаќам одговорност за денешниот пораз. Не постигнав гол за победа, а пет минути подоцна Атлетико израмни. Потоа, го погрешив пасот кој заврши со втор гол за Атлетико, ова е пораз кој оди целосно на моја душа, – порача Рафиња во интервјуто по дербито.

– Игравме многу добро, но на крајот загубивме. Претпочитам да играме лошо и да победиме, отколку да завршиме вака, – додаде Бразилецот.

🎙️ Raphinha, autocrítico… otra vez:

🗣️ "Prefiero jugar mal y ganar. La culpa de la derrota es mía". pic.twitter.com/56ou9GSJZq

— El Chiringuito TV (@elchiringuitotv) December 21, 2024