Поврзете се со нас

Репрезентација

Капитенот Барди излезе со заклучок за јунскиот циклус и најави многу подобар септември (Фото)

Објавено

на

Енис Барди имаше улога на капитен и на вчерашниот натпревар против Гибралтар, кој резултатски беше отворен благодарение на ремек-делото кое го изведе фудбалерот на Леванте од слободен удар.

Барди уште еднаш покажа со каков шут располага од дистанца и не му даде никаква шанса на голманот на Гибралтар, по што следеше вистинско гол-шоу во половина час во кој дадовме уште три гола.

Македонија го заокружи јунскиот циклус во Лигата на нации со две победи, едно реми и еден пораз, па како второпласирана во групата, сега ќе мора да брка сензација во септември, односно да слави висока победа крај Грузија од три или повеќе гола за да има шанси за првото место.

Овие четири натпревари во десет дена донесоа измешани емоции и чувства кај сите фудбалери, но Барди извлече заклучок и најави многу подобри изданија во септември.

– Зад себе оставивме уште еден напорен распоред во несоодветен временски период на крајот од сезоната. Среќен сум што продолжуваме да се подобруваме и убеден дека во следниот собир ќе бидеме на уште повисоко ниво, – порача Барди.

Реклама
Реклама
Реклама

Популарни