Капело за отказот на Мота: Мислам дека не сфати во кој клуб работи

Тиаго Мота беше ангажиран од Јувентус во амбициозен проект кој требаше да донесе подобри резултати и поатрактивна игра на „бјанконерите“, но наместо тоа тој заработи отказ среде првата сезона во Торино.

Резултатската криза и послабата комуникација меѓу Мота и фудбалерите го натераа раководството да го доведе Игор Тудор, а искусниот Фабио Капело смета дека доскорешниот тренер не се снашол најдобро во Јувентус.

– Кога си тренер на Јувентус, минимална амбиција е место во Лигата на шампионите, но важен е и секој натпревар и начинот на кој е одигран.

– Мислам дека Мота целосно не сфаќаше во кој клуб работи, па затоа имаше и потешкотии.

– Сакаше да понуди нешто поразлично, но за такви промени е потребно време, а такво нешто не добивате во ваков клуб, – рекол Капело.