Поврзете се со нас

Италија

Капело за најавеното засилување за Милан: Тој е шампион, може да доминира во Италија

Објавено

на

Милан сака да го искористи овој зимски преоден рок и да направи промени во играчкиот кадар, односно да донесе свежа крв, а притоа и да се ослободи од дел од играчите.

Токму „росонерите“ се на добар пат да затворат една важна операција и тоа е ангажманот на англискиот репрезентативец, Кајл Вокер. Последните вести се дека се е договорено и дефанзивецот ќе го мина преостанатиот дел од тековнава кампања на „Сан Сиро“. Се работи за позајмица по што Милан ќе има опција да го откупи од Манчестер Сити и тоа со договор до 2027 година.

Ова дефинитивно е важен потег на „црвено-црните“ кои имаа проблеми на таа бековска позиција, па легендарниот Фабио Капело смета дека Милан добива големо засилување.

-Верувам дека Кајл има физички интегритет да доминира во Италија барем неколку години. Тоа го видовме за време на ЕП и пред тоа во Лигата на шампионите. Милан добива шампион. Вокер е бек кој знае да притиска и што е најважно има квалитет во управувањето со топката и во последната третина. Ако е еден од бековите, нема забуна.

-Дополнително, тој носи искуство и лидерство на играч кој освоил работи на највисоко ниво. Мислам дека Гвардиола не би направил некој капитен на тим кој е способен да ја освои Лигата на шампионите, -порача Капело за „Газета Дело Спорт“.

Инаку Капело беше човекот кој му овозможи деби на Вокер во најсилната англиска репрезентација.

Advertisement
Advertisement

Италија

Advertisement

Популарни