Капело со нови критики за Милан: Голманот имаше најмногу контакти со топката

Милан вчера успеа да неутрализира добар дел од препознатливите квалитети на Аталанта, но сепак загуби на гостувањето во Бергамо и веќе заостанува 12 бодови зад составот на Џан Пјеро Гасперини.

Тренерот Пауло Фонсека не го криеше разочарувањето од судиите, но неговиот повозрасен колега и поранешен тренер на Милан, Фабио Капело испратил многу критики за „росонерите“.

– На овој натпревар не ја видовме најдобрата верзија на Аталанта, Милан им дозволи малку простор. Сепак постигнаа два гола по прекин, што е уште еден позитивен знак, тие се борат како лавови.

– Најдобар пример за тоа е голот на Де Кетелар, ситуација во која Тео Ернандес беше премногу пасивен. Очигледна е разликата во мотивацијата и однесувањето на теренот меѓу двете екипи.

– Милан направи премалку, посебно по излегувањето од игра на Пулишич. Повторно беа лошо поставени, голманот Мењан имаше повеќе контакти со топката од соиграчите. Дури и кога ја имаа топката, повеќе задржуваа време од што беа креативни, а шутнаа само два пати кон противничкиот гол.

– Тука беа и индивидуалните грешки, на пример таа на Емерсон Ројал за голот на Лукман. Некој треба да му каже на Бразилецот едно старо фудбалско правило, во шеснаесетникот покриваш човек, а не топка, дури и кога се игра зонска одбрана, – истакнал Капело.