Капело со коментар за кризата во Јувентус: Првата грешка беше направена со трансферите

Фабио Капело повторно се навратил на кризната ситуација во редовите на Јувентус и во колумната за „Газета дело Спорт“ го истакнал своето мислење околу причините за истата.

Искусниот италијански стручњак посочил дека „бјанконерите“ направиле погрешни потези во двата преодни рокови под водство на Тиаго Мота, а одговорноста на тренерот е поголема ако тој барал такво нешто.

– Првото прашање кое ми се појавува во глава е кој дозволи заминување на Федерико Киеза, а потоа и на Данило?

– Дали тоа беше одлука само на тренерот или и клубот инсистирал на такво нешто?

– Ако е одлука само на Мота, тогаш неговата одговорност е поголема, затоа што тоа беа двајцата клучни играчи во однос на лидерските способности. Според мене, тоа е основната грешка направена во преодните рокови.

– На теренот, Јувентус протежира спор и предвидлив фудбал. Точно е дека има посед на топката, но без да создава посебна опасност во противничката половина, – рекол Капело.

– Уште една грешка е менаџирањето на Влаховиќ, кој првично беше постојано во тимот, а потоа Мота се премисли и го смени концептот. Поради ова двајцата никогаш немаа однос кој може да го мотивира српскиот напаѓач, за тој да го покаже својот вистински потенцијал, – вели поранешниот тренер на Јувентус.