Капело разочаран од Милан: Голманот имаше повеќе контакти со топката од Мората

Милан добро го започна дуелот со Ливерпул, но подоцна ги разочара своите фанови со начинот на кој му се спротивстави на противникот, кој направи пресврт со три погодоци во мрежата на домаќинот.

Фановите го исвиркуваа тимот на Пауло Фонсека, а легендарниот Фабио Капело не штедел критики за својот поранешен клуб.

– Целосно сум разочаран откако го гледав овој Милан.

– Никаква реакција, проблем да поврзат неколку додавања секогаш кога ќе ја имаат топката, продолжуваат да играат преку голманот, кој имаше повеќе контакти со топката од Мората.

– Дефанзивците се плашат да додадат, а на теренот нема лидер. Единствениот кој ги бодреше фудбалерите беше Ејбрахам, фудбалер кој последен дојде во клубот.

– Имаат фудбалер како Леао, а не му ја додаваат топката, на такво нешто чекавме дваесет минути. Немам голема верба во овој Милан, – рекол Капело.