Капело му постави непријатно прашање на Консеисао, тренерот на Милан ја објасни својата неочекувана одлука

Милан претрпе пораз на гостувањето во Ротердам и сега ќе брка минимална негатива на реванш плејофот против Феенорд, натпревар кој ќе се игра наредната недела на „Сан Сиро“.

„Росонерите“ не успеаја да постигнат гол кој ќе им ја олеснеше работата пред возвратниот натпревар со холандскиот тим, а италијанските експерти големо внимание обрнаа и на тактичката определба на Сержо Консеисао, кој за првпат реши да започне натпревар со четири напаѓачи во почетниот тим.

Консеисао ги стави во почетните 11 Леао, Хименез, Жоао Феликс и Пулишиќ, па Фабио Капело преку интервјуто за „Скај“ го запраша дали со тоа малку го потценил противникот во Лигата на шампиони.

– Никогаш не потценувам никого во фудбалот. Се подготвувавме за ова како за финале во Лигата на шампиони. Знам колку е тешко да се стигне до ова ниво. Бев играч, а веќе сум тренер 14 години, ги почитувам сите тимови подеднакво, и оние во пониските лиги, и оние во Лигата на шампиони.

– Секој може да биде идеален аналитичар во ретроспектива. Пред натпреварот мислев дека тоа е најдобро за нашиот тим, да играм со сите четворица играчи напред. Не заборавајте дека покрај тие четворица играчи, имаше уште седум на теренот. Јас сум тој кој треба да го пронајде потребниот баланс во тимот и морам да работам на тоа во периодот кој претстои, – изјави Консеисао.