Капело: Лацио и Милан победија со тактиката на Алегри

Фабио Капело ги поздравил победите на Милан и Лацио од студиото на „Скај Спорт Италија“, потврдувајќи ја одличната вечер за италијанските клубови во Лигата на шампионите.

Поранешниот трофеен тренер ги ислушал изјавите на тренерите Маурицио Сари и Стефано Пиоли, а и двајцата посочиле дека решиле да го отстапат поседот на топка на противникот откако стигнале до предност.

– Лацио и Милан вечерва победија со тактиката на Алегри, – кратко забележал Капело, па продолжил со анализата на двата натпревара.

– Каде беше овој Милан изминатите недели? Одличен натпревар, Леао беше спектакуларен, но цел тим одигра одлично. „Сан Сиро“ беше спектакуларен од секој аспект, не 12, туку 13-ти играч за екипата.

– Лацио има проблем во нападот затоа што му недостасува Милинковиќ-Савиќ. Тој имаше квалитет и вештини со кои создаваше многу проблеми за противниците, затоа Лацио не може да ги повтори игрите од минатата сезона, – рекол Капело.