Капело: Јамал не може да биде Меси!

Фабио Капело стандардно ги коментира случувањата во италијанскиот фудбал и најчесто има резервирано критики за најголемите клубови во Италија, но за време на гала церемонијата по повод најавата на „Лауреус“ наградите кои ќе се доделат во месец април, легендарниот стручњак доби прашања и од новинари од други земји.

ШПанците ја искористиле блискоста со поранешниот тренер на Реал Мадрид за да му постават неколку прашања за состојбата во шпанскиот фудбал, а во прв план се наоѓаат неговите изјави за Килијан Мбапе и Ламин Јамал.

– Мбапе покажа дека е играч од светска класа. Потребни му беа три месеци за да сфати што значи Реал Мадрид. Многумина го критикуваа, но не успеаја да го помрднат од место. Се кажаа и глупости за неговата игра, но сега се гледа дека е врвен професионалец од највисока класа, – порачува Капело.

Втор на „менито“ му се најде Ламин Јамал, сензационалниот талент на Барселона кои многумина го споредуваат со Лео Меси.

– Ламин прави многу големи работи на своја возраст. Кога почна да игра за Барселона, се велеше дека тој е новиот Меси, но не може да стигне до Лео. Тој ја нема генијалноста на Меси, не може да биде како него. Тој е топ играч, но не е Меси, – потенцира Капело.