Капело издвои двајца играчи на Јувентус на кои Тудор мора да им помогне: Мора да игра…

Јувентус му се заблагодари на Тијаго Мота и на неговото место го назначи Игор Тудор, човек кој многу добро го познава клубот затоа што го носеше дресот на истиот, а потоа беше и дел од стручниот штаб на Андреа Пирло.

Ова е сериозен предизвик за Хрватот кој е без ангажман од минатото лето кога се раздели со калчолигашот Лацио.

Легендарниот Фабио Капело се има соочено со многу ситуации низ кариерата, па од свој агол посочи што Тудор ќе мора прво да направи во Јувентус.

-Јас би зборувал со тимот на многу искрен начин, нешто како: „Вие ме донесовте овде, сега да си помогнеме“. Со тоа се симнува маската и се покажува дека сите мора да бидат на иста страна. Тренерот не може сам да ги реши сите проблеми на тимот, особено кога нема многу време.

-Важното нешто на кое Тудор ќе треба да се фокусира е да го врати редот. На Јувентус му треба нормализирање. Имавме месеци на конфузија, премногу. Нејасни улоги на теренот, напаѓачи кои играат како бекови, капитени кои се менуваат од натпревар во натпревар. Вака да ја поставиме работата, ова беше тригодишен проект што требаше да се реализира за една година. Вистината е дека резултатите се секогаш важни, особено за клуб на највисоко ниво како Јуве, -вели Капело кој издвои две имиња кои треба да му бидат во фокусот на новиот предводник на тимот од Торино.

-Влаховиќ пред се. Тој игра во шеснаесетникот, напаѓач кој живее за голови. Мора да игра и да ја врати самодовербата. Потоа Јилдиз, тој има голем талент и многу карактер, -смета Фабио.