Капело избра идеален ривал за Интер во осминафиналето во ЛШ

Италијанските тимови доживеаја вистински кошмар во прелиминарната нокаут рунда во Лигата на шампиони, бидејќи настапите во оваа рунда ги завршија Милан, Аталанта и Јувентус.

Тоа значи дека единствен италијански претставник на утрешната ждрепка за осминафиналето е Интер, па иако многумина прогнозираа осминафинале меѓу лутите градски ривали Интер и Милан, реалноста покажа дека „нераѕурите“ ќе одат на мегдан против холандски ривал.

Тимот на Симоне Инѕаги вкрстува во утрешната ждрепка со Феенорд или ПСВ, па останува да видиме со кој тим ќе се падне при извлекувањето во 12:00 часот.

Фабио Капело си даде за право да го избере идеалниот противник за Интер, заклучувајќи дека Феенорд е подобра од двете прифатливи опции за италијанскиот првак.

– Сметам дека Феенорд ќе биде полесен и идеален ривал за Интер. Табелата во Ередивизијата покажува дека Феенорд е зад ПСВ, а тоа не е случајност. Од тоа што го видов на двата натпревари на ПСВ против Јувентус, сметам дека тимот на Бош е поконстантен и има поголем квалитет. Исто така, на Феенорд му недостасуваат важни играчи и не сум сигурен колку од нив ќе се вратат за следната рунда, – вели Капело.