Капело го посочи најголемиот проблем на Италија: Македонија ни направи големи проблеми со пресинг, Спалети мора да се врати на почетоците!

Фабио Капело е еден од најпознатите италијански стручњаци кои редовно се дел од ТВ студијата на телевизиите на Апенините, а како тренер кој ужива огромен респект и од колегите, си даде за право да испрати совет до Лучијано Спалети.

Дон Фабио направи кратка анализа на мечот кој се одигра во саботата во Скопје и заклучи дека Македонија и направила огромни проблеми на Италија со пресинг, па реши да го советува Спалети да се врати на почетоците кои беа одлика за фудбалот на чизмата.

– Реалноста е дека ние веќе не сме научени да играме брз и физички фудбал како некогаш. Доказ за тоа е натпреварот во Скопје. Имавме проблеми да се справиме со пресингот на Македонија.

– Во такви ситуации, не размислуваме доволно добро и брзо, а причина за тоа е состојбата во Серија А. Нашата лига се подобри изминатите години поради странските фудбалери кои дојдоа, а не поради домашните.

– Спалети има важна работа пред себе, мора да се врати на почетоците и да ја пронајде дефанзивната покриеност за која бевме најдобри. Само така ќе се вратиме на вистинскиот пат, со цврста одбрана и организирана игра. Исто така, на мечот со Македонија забележав дека нашите напаѓачи беа премногу статични во противничкиот шеснаесетник, – вели Фабио во изјава за „Газета“.