Канте ја завршува приказната со Челси, прифаќа понуда вредна 100 милиони евра по сезона

Н’Голо Канте е под договор со Челси до крајот на овој месец и имаше одредени информации дека е возможно да остане во клубот по овој датум, поточно дека се водат разговори за продолжување на соработката, но по се изгледа ништо од бизнисот кога е во прашање оваа темата.

Причината за тоа е Саудиска Арабија и лудата понуда која ја има францускиот репрезентативец од тимот на Ал Итихад кој штотуку го ангажираше Карим Бензема.

Според информациите кои се појавија во повеќе медиуми директорите на Ал Итихад веќе пристигнале во Лондон да ја заокружат зделката според која големиот борец ќе биде нивен член до 2025 година, а Канте ќе има заработка од 100 милиони евра на годишно ниво.

Со ова продолжува офанзиваната на клубовите од Саудиска Арабија кој претходно го доведоа Кристијано Роналдо и други познати играчи, а целат и кон многу други за што треба да добиеме и официјална потврда за трансферите затоа што се работи за суми кои играчите не можат да ги одбијат.