Германија

Кансело позираше со новиот дрес и со само пет збора се прости од Сити (Фото)

Објавено

на

31 јануари, 2023

Од

Жоао Кансело ова попладне го комплетираше трансферот во Баерн Минхен и позираше со новиот дрес во друштво на Хасан Салихамиџиќ, по што и официјално се заврши зделката која беше најавена уште во текот на вчерашниот ден.

Португалскиот репрезентативец ќе игра во Баерн како позајмен фудбалер до крајот на сезоната, а потоа германскиот првак ќе има опција да го откупи за 70 милиони евра.

Кансело денеска ја даде и првата изјава како играч на Баерн Минхен, но од друга страна пак, употреби само пет зборови за да се прости од Манчестер Сити.

– Секој играч во светот го познава Баерн Минхен, овој клуб секогаш атакува на титули и е гладен за освојување трофеи. Поради гладта и мотивацијата пристигнав тука. Ќе дадам се од себе за Баерн. Станува збор за еден од најдобрите клубови во светот и за мене ќе биде огромна чест да играм со вакви соиграчи, – изјави Кансело, кој со Сити се збогуваше преку социјалните мрежи.

– Еднаш Ситизен, секогаш Ситизен. Ви Благодарам, – гласи кратката порака.